Problema talaga ng mga nagsusulat kung paano uumpisahan ang kanilang gustong isulat/itipa. Natural na naghahanap ka ng pwedeng maging topic o sentro ng dapat mong isulat,ng gusto mong ikwento. Pero mahirap kasi.Lumulutang ang mga ideya sa isip ko at lahat sila gusto kong ilagay dito. O sige ito na lang. Mahirap sa mahirap kung ang lahat ng bagay ay lalagyan mo ng sagot. Katulad ng kung bakit o paano mo uunawain ang pagibig. Wala naman daw kasing salita o bagay na hihigit pa kung paano mo ididiscribe ang PAGIBIG. Masyado itong malawak... at walang eksaktong depinisyon.
Sabi nga hayaan mo nalang ito maramdaman,alisin mo yung mga bagay na dahilan kung bakit mo sya minahal kasi darating yung araw na pag nawala yun,wala na rin ang pagmamahal. Maghahanap ka ng iba at hahanapin mo nanaman yung dahilan kung bakit mo yun mamahalin. Mabibigo ka at uulitin mo nanaman.
Totoo masasaktan tayo. Di man natin gusto o ginusto natin...kasama yun. Dahil gahibla lang ang pagitan ng PAGIBIG at PAGKABIGO.Wala iyang EXCEPTION. Di ka nagmahal kung di mo naramdaman masaktan.
Sabi nga ng kakilala kong babae:
" Lahat ng hinahanap ng boyfriend ko sa isang babae, kabaligtaran ko. Di ako marunong kumanta, tumugtog ng gitara, hindi ako artist katulad niya, hindi rin ako maganda katulad ng mga hinahangaan niya..lahat halos hindi ako. Pero di ko pinilit na baguhin ang sarili ko sa kung ano ako. Minahal niya ako kahit wala ko sa tono kumanta, kahit konti lang alam kong tugtugin sa gitara,kahit hindi ako "Rock o Cool" pumorma kahit di ako maganda.Minahal niya ang lahat ng kahinaang meron ako."
Very well said.
Maaring maraming dahilan kung ano ang gusto mong katangian sa isang taong mamahalin mo.
Pero tandaan pa rin natin na magkaiba ang pagkagusto sa pagmamahal.
Napapasaya tayo at minamahal natin sila sa di maipaliwanag na dahilan. Darating ang araw na kukupas ang ganda. Ang mga panlabas na anyo ay tatanda. Pero masarap sa pakiramdam na sa kabila ng iyon ang kapangyarihan ng pagibig pa rin ang magbubuklod para ipagpatuloy pa rin ang buhay.
